Tipatcimo masinahikan ka witekamakak  tan e ici kiskeritakositcik,  e irapatisitcik  neta ka apitcik,

 

Kekwan  nihi  ka wi itwaniwok :

Niheki neta ka apitcik, ki oreritamok tipirawe kitci otapinakik apiwiniw  kaie  mitcetewek kitci ici  matcewotatcik  otamirowiniwaw.  Kaskina mamo otamirowok,  kaskina  mamo   asitci  tiperitamok  kaie  kaskina mamo asitci  oreritamok  kekwariw.

 

Ke  ici  kicteritakok :

Ka  motewaketcik  nihe towi  mamonitowin :  mihitisowin,  tiperimitisowin kaie kaskina mamo kitci asitci kanawapamat  aweriw  kaie e kackitat kitci  mamo otamiromat aweriw.  Awenak neta ka apitcik, kitci  tatakik  kowiskw itatisiwiniw,  tapweweritakosiwiniw  kaie  awik kitci kackitat e mikwerimat aweriw.

 

Ke  nosinetakaniwok  irakonikewin :

Enkweriw  ke nosinetatcik, neta apitcik, niheriw ka kictapatanik kitci tca  motewaketcik

 

Irakonikewin  ka  tatosinatek  1

Tipirawe awik  oreritam  kitci posit neta kaie  cectew   matci  kaskina awik

Nohwe towi itapiwin, awik wir tipirawe oreritam kitci apit kaie matci kaskina awik kata ki posiw.  Niheki tca ka positcik  neta  oreritamok kitci atoskectaketcik kaie mantokasowok  wewerita  kitci  itotisketcik niheriw e otapinakik apiwiniw.  Nama kaie motemakan neta anawerimiwewin.  Awik kotc e icinakosit, e ici iriniwit kaie kotc e ici tapweweritak kata ki apiw neta.

 

Irakonikewin  ka  tatosinatek    2

Tipirawe otiperitamowinawaw  ka motewaketcik

Neta  ka  apitcik, wirawaw nikanipiwok, orocowatamok  ke  icinakonik  kaie wirawaw orakonikewok.  Mamo asitci masinahotisowok  kicpin otcitciparinik kitci masinahotisotcik.  Nohwe towi nikotaci  wiec  ka aitakoki,  ekoni   peikonok  e  ici  motetcik  kewirawaw.

 

Irakonikewin  ka  tatosinatek  3

Kicowatc  posipariwok  coriak  itekera

Neta  ka  apitcik,  takickowok  coriak itekera.  Kicowatc e  posiparitcik kitci ki  miro   kaie mamo asitci motetatcik.  Nanakatcitawok  e  ici pitakeparinik  kaie  e  ici  orowimakanik.  Ekote kicowatc  e ici kicikowakaniwitcik  niheriw  coriariw ka mawotcihomakanik, ka  ickoparinik karak   takoniw  e  pakitanikik  otci  kotakihi  e  ici  takoki  atoskectakewiniw.

 

Irakonikewin  ka  tatosinatek  4

Mihitisowin  kaie  pakanisiwin

Nohwe mamonitowin,  mihitisowin, witcihitowin  neta  motemakan.  Tapickotc takon   oreritamowin  mamo  kaskina kotc ka witcihiwetcik mitowi kice okimak kekotc  kotakihi awik.  Aric peikon mocak motewakewok otiperitamowinawaw  kaie opakanisiwiniwaw.

 

Irakonikewin   ka  tatosinatek  5

Kiskinohamakewin  kaie  tipatcimoctakewin

Ohwe mamonitowin, takoniw kiskinohamakewiniw  e mirwetcik  otci  tipirawe wirawaw, kotc  neta   ka  takickakotc  kitci  awacamec  miro  motemakak nohwe mamonitowin.  Pakitinam  tipatcimowin nta kotc  e  iti  aicinakonik  niheriw  ka  ici  apitcik kirawe niheki otci ockinikiriw, ickwecariw  kekotc  kotakihi awik.

 

Irakonikewin  ka  tatosinatek  6

Witcihitowin  tante kotc  e  ici  takok  nohwe towi  mamonitowin

Kitci  awacamec  mirwacik  atoskectawin  neta  kaie  kitci  ki  miromotemakak,  tante  kotc  e  ici  takok  nohwe  towi  mamonitowin,  kaskina  wawitcihitowok.

 

Irakonikewin  ka  tatosinatek  7

Tapweweritakosiwin   tacikewinik  itekera

Ohwe  mamonitowin,  e ki tca nikan  ocitatcik ke ici matcatcik, ekote kicowatc e  ici  otamirotcik    kitci rikahimakanik  kaie  aspinikotc     kitci motemakanik.